Ames, 26 de abril do 2017 – O alumnado dun grupo de 1º da ESO do IES do Milladoiro están inmersos na rodaxe dun documental no que afondan sobre as orixes e a identidade da súa contorna.
O proxecto de innovación educativa Cine en curso, coordinado pola profesora de educación plástica, visual e audiovisual Pilar Rodríguez, e no que participan outras tres profesoras de distintos departamentos, estase levando a cabo durante todo o curso cun intenso traballo de investigación e tamén de educación audiovisual a cargo do cineasta Marcos Flórez.
Os rapaces, acompañados do cineasta e das docentes, rodarán en distintos puntos de Milladoiro durante os días 27 e 28 de abril e contarán coa colaboración de varios veciños.
A produción se presentará o 16 de xuño nunha proxección conxunta dos cinco centros que este ano están a realizar este proxecto. Posteriormente se farán proxeccións no Instituto para o alumnado e nunha sala do Concello aínda sen determinar para todos os veciños de Milladoiro.
