25N A Mancomunidade de Ordes contra a Violencia de xénero

0

A Mancomunidade de Municipios da Comarca de Ordes adheriuse á declaración institucional emitida pola Federación Española de Municipios e Provincias (FEMP) co gallo do Día Internacional da Eliminación da Violencia de xénero, que terá lugar o vindeiro domingo. Así se acordou por unanimidade no pleno correspondente ao mes de novembro.

Na dita declaración sinálase  que “a pesar de levar corenta anos de democracia aínda vivimos nunha sociedade que non foi capaz de alcanzar a igualdade real entre homes e mulleres”. Tamén reafirma o compromiso “para seguir impulsando políticas que garantan os dereitos das mulleres e dos menores co obxectivo de conseguir unha sociedade libre de medo”. Outro punto é a esixencia de aplicar as medidas previstas no Pacto de Estado contra a violencia de xénero para a construción dunha sociedade madura e autónoma.

Destácase tamén “a necesidade de educar en igualdade ás xeracións futuras” e considera “vital desterrar os roles sexuais, as actitudes e os comportamentos normalizados e consentidos que perpetúan a desigualdade”. Entre outros aspectos o texto expón a gran “preocupación polo aumento de menores asasinados a mans dos seus pais como instrumento de control e de poder sobre as mulleres”, ademais de agradecer “os esforzos por debilitar a multitude de microviolencias invisibles e sistemáticas que sustentan relacións baseadas no trato desigual”.

Por último a dita declaración sinala o compromiso da FEMP por “implementar todas as medidas de coordinación interadministrativa para protexer, defender e liberar as mulleres e menores vítimas da violencia de xénero.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial