Vedra, 9 de abril do 2018 – Miles de persoas achegáronse este domingo a San Miguel de Sarandón, en Vedra, para disfrutar da 38º edición da Festa do Viño da Ulla.
A xornada comezou coa música da Banda de Santa Cruz de Rivadulla que foi a encargada de abrir a Festa coa súa música. Despois o cantante da Orquesta París de Noia, Blas Piñor, fixo o seu papel de pregoeiro e agradeceu a deferencia que a comisión de festas tivera ao elixilo. Lembrou o tempo pasado en Vedra desde que era pequeno e votou en falta a presenza do alcalde Carlos Martínez, que estaba de viaxe por motivos persoais, como amigo que era del e da súa familia. Blas falou dos moitos dos sitios do concello nos que cantou e dixo que sempre foi tratado como un veciño máis
A continuación foi o momento da entrega de premios da cata celebrada o día anterior, unha iniciativa que busca impulsar a creación de novas añadas nos viñedos da zona. O primeiro premio foi para o Viña Marecaste 2017 da Bodega Marecaste, o segundo para Chouzal 2017 da Bodega Chouzal, estes dous do concello de Teo, e o terceiro para o viño Barallobre 2016 de Bodega Pazo de Ximonde de Vedra.
1º Premio Viña Marecaste 2017
Tras a entrega de premios pasouse ao nomeamento dos novos Amigos da bota que este ano incorporaron a nómina de defensores do viño da Ulla ao presidente da Deputación, Valentín González, O responsable de Galicia Calidade, Alfonso Cabaleiro, e ao pregoeiro e cantante da Orquestra París de Noia, Blas Piñor. Todos prometeron defender a imaxe do viño e a continuación beberon da bota.
A maña rematou co concerto de De Vacas que divertiron a un público que cada vez era maior.
A tarde continuo pelexando co tempo pero foi igualmente un éxito de público e do traballo dunha Comisión de Festas que ve apoiadas pola veciñanza as novas ideas introducidas. Un éxito que serve de pulo para a 39º edición na que xa comezan a traballar.
