A ANPA do IESP de Ames en contra de deixar alumnos fora dunha viaxe a Londres

0

Ames, 30 de xaneiro do 2019 – A ANPA do IESP de Ames ven de emitir un comunicado no que se critica a pouca vontade da dirección do centro para conseguir que todos os solicitantes participen nunha viaxe cultural a Londres.

A Xunta Directiva da ANPA explica que tivo coñecemento do malestar xerado entre as familias dos estudantes de 3° da ESO que resultaron excluídos dunha viaxe a Londres. Ao convocarse só 40 prazas realizouse un sorteo do que quedaron excluídos 15 alumnos. A viaxe foi promovida por dous departamentos do centro, recollida como actividade na “Programación Xeral Anual 2018-19” e costeada polos pais.

Desde a asociación comprenden a necesidade de garantir que o centro non quede sen profesores mentres dure a viaxe e asumen que o sorteo foi anunciado previamente. Pensan de todos xeitos que sendo 54 o total de apuntados na data do sorteo, non hai razóns obxectivas para non poder arranxar o conflito da exclusión de 15 alumnos, respectando cupos legais, contratando monitor ou tendo en conta que no mesmo NOF queda recollida incluso a posibilidade de ir acompañados por nais ou pais do centro.

A ANPA solicitou á Dirección, ante o Consello Escolar do pasado 24 de Xaneiro, que fora estudada a viabilidade dunha ampliación do cupo que incorpore a todo o alumnado solicitante. Na mesma sesión do Consello Escolar a Xefa do Departamento de Física e Química ofreceu a colaboración do seu Departamento para organizar a viaxe incluíndo a todos os interesados en participar. A resposta da Directora do IES de Ames foi sempre negar o “suposto conflito”, por non existir queixas por rexistro das familias, e dar o asunto por pechado.

A Xunta Directiva da ANPA do IESP de Ames defende que a oferta de actividades educativas extraordinarias debe respectar o principio de equidade de oportunidades de participación, sen engadir máis trabas que as propias da necesidade de autofinanciación do custo por cada familia. Polo tanto, dada a posición da Dirección do IES, invitan ás familias que compartan o dereito dos 54 a participar na actividade, para que presenten no rexistro da Secretaría do IES de Ames un escrito no que manifesten a súa solicitude dunha organización do viaxe a Londres para todos os interesados en participar.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial