Compromiso ofrece ao Psoe alternar a alcaldía da Baña durante a lexislatura

0

A Baña, 19 de xullo do 2019 – Compromiso x Galicia remitiu unha nota de prensa na que explica que ofreceu ao Psoe a posibilidade de desbloquear a situación na Baña compartindo a alcaldía dous anos cada grupo.

Tras a xuntanza mantida cos representantes da agrupación socialista da Baña, na que CxG lle ofreceu a posibilidade de ostentar a alcaldía dous anos cada candidato, Ramos incidiu na necesidade de chegar a un acordo para acadar o benestar da veciñanza. Explica que esa mesma soución tomouse en concellos como o veciño de Santa Comba e apuntou que “o máis lóxico e a mellor opción para A Baña sería consolidar un proxecto progresista conxunto. Debemos esquecer as diferenzas da anterior lexislatura e pensar exclusivamente no futuro do noso municipio”.

Imaxe do pleno de A Baña

Imaxe do pleno de A Baña

A formación galeguista puxo o foco en que a decisión adoptada no acto de investidura do pasado 15 de xuño, respondeu unicamente “ao cumprimento da palabra dada á nosa veciñanza” pois comprometéranse a posibilitar o “ansiado cambio político” que precisaba o Concello. Finalmente, a formación verde destacou que se grupo socialista non acepta a proposta de CxG, continuarán, como até de agora, co seu traballo de fiscalización municipal desde a oposición.

Asemblea socialista

Desde o Psoe non hai unha decisión tomada. Esta fin de semana a Agrupación local terá unha asemblea na que se debaterá a proposta e tomarase unha decisión.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial