O goberno da Baña segue sen salario e sen propostas da oposición

0

A Baña, 6 de agosto do 2019 – A situación no concello da Baña non variou no primeiro pleno ordinario e pese a chegar con varios temas consensuados non foron capaces de aprobar un salario para o equipo de goberno.

A diferenza co último pleno estivo en que, tal e como se acordara no de organización, antes da sesión celebrouse unha comisión informativa. A esta reunión os distintos grupos chegaron sabendo os puntos que se levarían ao pleno; en consecuencia, sabendo que de novo se levaría o salario, optaron, por distintas cuestións, por non presentar ningunha proposta alternativa.

O alcalde comezaba explicando a necesidade de traballar asegurados e de ter un soldo, volveu a insistir de que no caso de non desbloquear a situación terían que incorporarse aos seus postos e virían polo concello só cando lles fora posible

O portavoz do PP, o ex alcalde Andrés García Cardeso, escudábase na oposición dos afiliados do partido a que se lle aprobara o soldo ao alcalde se non mostraba algo de diálogo. O debate en este punto tornouse absurdo cando Cardeso lle recriminou ao alcalde que non informara ao PP da proposta de compartir a alcaldía feita por Compromiso

Cesar Ramos, portavoz de Compromiso por A Baña, resumiu a postura do partido en que si hai unha mesma proposta o votos será similar. Explicou tamén que solicitara ver a declaracións de bens dos concelleiros antes de facer unha proposta pero que non se lle entregara

Outros temas

O pleno aprobou por unanimidade un proxecto de cambio de iluminación pública para a redución de emisións e a representación en organismos como a Mancomunidade do Tambre, a Fundación de Discapacitados da Barcala ou o GDR Terras de Compostela.

Este e os anteriores plenos de esta lexislatura poden verse na canle do concello en Youtube

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial