Segue o conflito político na Baña

0

A Baña. 24 de xullo do 2019 – Psoe e Compromiso x Galicia seguen sen chegar a acordos na Baña despois de que os socialistas rexeitaran a proposta de compartir a alcaldía.

Nunha reunión mantida o pasado luns o Psoe informou a CxG que non aceptaba a nova proposta e seguía ofrecendo entrar no goberno municipal cunha tenencia de alcaldía e unha dedicación. Os socialistas explicaron que na xuntanza mantida cos seus afiliados someteuse a proposta da agrupación galeguista a votación sendo rexeitada.

Según Cesar Ramos, voceiro de CxG “A fórmula que ofrecemos é beneficiosa para ambas formacións e favorecería un traballo conxunto a prol da veciñanza. É o máis lóxico e a mellor opción para A Baña no contexto político que actualmente se atopa o municipio barcalés”

O mandatario socialista da Baña asemade informou á agrupación local liderada por Ramos da negativa da súa formación a negociar calquera tipo de cesión da alcaldía, aspecto que CxG valora como unha decisión  “nefasta para os intereses da veciñanza da Baña”. O PSOE comunicou que para facilitar a integración de CxG no grupo de goberno está disposto unicamente a ofrecer unha dedicación remunerada a maiores para un concelleiro de CxG, algo que dende a formación verde rexeitaron con rotundidade “esa medida non é útil para crear un pacto real e só serviría para aumentar o gasto”, ademais engadiu “demostramos que o noso obxectivo nunca foi económico, se así fora, de seguro que a decisión que adoptamos na investidura sería distinta”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial