Compostela, 2 de febreiro do 2019 – Estudantes do IES Fontiñas asistiron a unha charla sobre emprendemento cooperativo no viveiro de empresas, organizada pola Cámara de Comercio de Santiago e a Rede Eusumo da Xunta de Galicia
O persoal técnico da Cámara de comercio impartiu esta xornada divulgativa e dirixiu unha visita guiada ao viveiro de empresas, situado no Polígono de Costa Vella. Esta actividade enmárcase no programa de actuación 2019 da Rede Eusumo. Eusumo é unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social.
As sesións, de carácter informativo e divulgativo, están destinadas a estimular o autoemprego e difundir o mundo da empresa de economía social como unha posibilidade real de integración no mercado laboral.
