Compostela 19 de xaneiro do 2019 – Espectáculo de música e contos hoxe en Compostela coa Casa do terror de Xoán Curiel e a Banda do Verán, a partir das seis e media no teatro Principal.
Curiel ven de percorrer os escenarios galegos coa Banda do Verán presentando o libro disco Estamos no verán!! editado por Galaxia. Agora métese de cheo nunha nova aventura que combina contos e diversión nun espectáculo denominado a Casa do terror.
Despois de percorrer os escenarios galegos co espectáculo do libro-disco infantil Estamos no verán!!! (Editorial GALAXIA), Xoán Curiel e a Banda do Verán, atrévense cunha nova, terrorífica e divertida aventura: A Casa do Terror. Os membros d´A Banda do Verán teñen un longo percorrido por tódolos escenarios galegos.
O Conto
A Casa do Terror é unha aventura escrita por Xoán Curiel, na cal un grupo de amigos vese obrigado a durmir nunha casa encantada e vive aventuras divertidas e terroríficas relacionadas coa música, a amizade e a superación dos propios medos. A perspectiva do terror é abordada neste espectáculo dun xeito divertido e lévase a cabo a través de personaxes divertidas coma as pulgas sombis, o lobo lover, ratatiburóns, gativampiros, o monstro da lavadora, a pantasma con asma, e un longo etc… É unha historia moi positiva no que se fala da importancia da confianza nos desafíos da vida e nas cousas que nos poden producir medo.
Ademais dun libro disco, A Casa do Terror é un divertido e dinámico espectáculo musical con cancións, danzas, elementos teatrais ou de clown e sobre todo moita participación do público asistente.
Elenco artístico do espectáculo:
Xoán Curiel: Guitarra eléctrica, guitarra española e voz
Jara Ortiz: Voz
Carlos Freire: Batería
Alex Salgueiro: Teclado e programacións
Antón Fernández: Baixo
Marta Alonso: Danza e voz
Vestiario: Uxía Vaello
Escenografía: Marta Mallo
Creación e dirección do espectáculo: Xoán Curiel, Marta Alonso, Jara Ortiz