A Estrada, 27 de maio do 2020 – O BNG da Estrada ven de reclamar a retirada dun vertedoiro incontrolado na parroquia de Agar.
O vertedoiro sitúase no lugar de Outeiro na Nacional 640. Os nacionalistas critican a política municipal medio ambiental que, din, é a que provoca casos como este.
A voceira do BNG no concello, Susana Camba, puxo en coñecemento da concellería do rural a existencia do vertedoiro. Camba explica di que “Desde o BNG pensamos que proceden desde o goberno municipal accións contundentes fronte a estes despropósitos. O goberno municipal non pode mirar para outro lado, como fai sempre, o respecto ao medio ambiente tamén é cousa do goberno municipal”.
Os nacionalistas consideran que o goberno da Estrada “debería ter unha concellería especificamente dedicada ao medio ambiente, non un totum revolutum como o actual onde se mete áreas tan dispares como medio rural, cultura, normalización lingüística e medio ambiente ”vaia máis alá de levar o lixo a SOGAMA”.