A Estrada, 20 de abril do 2020 – O BNG propón incentivos á hostalaría e casas de turismo rural con cargo ao orzamento da Festa do Salmón xa cancelada.
Os nacionalistas explican que, como en outros concellos, a hostalaría e as casas de turismo rural sufrirán especialmente a crise provocada polo Coronavirus. A cancelación da Festa do Salmón e a incerteza de que sucederá coas festas patronais ou a Rapa das Bestas agudizan eses problemas.
Por este motivos o BNG propón ao goberno municipal que, de acordo coa asociación de hostalaría, poña en marcha un plan de incentivos e de axudas directas a este sector, con cargo ao orzamento previsto para a Festa do Salmón e as festas patronais.
Lembran tamén que é o momento de trazar un plan para axudar aos distintos sectores económicos do concello e que desde o principio trasladaron a súa vontade de colaborar e axudar a superar esta crise.
A proposta será explicada pola concelleira Susana Camba na vindeira reunión virtual co grupo de goberno municipal.