Compostela, 28 de setembro do 2018 – O concello de Santiago celebrou un pleno extraordinario que aprobou o pago das horas extras pendentes a Policía Local.
O pago que o concello fará corresponde aos meses de setembro, outubro e novembro do 2017. No mes de xullo xa se levara a pleno as débedas coa Policía Local pero un informe de intervención indicou que o expediente debía volver ao Pleno para detallar mellor o importe das horas extras. O pago acordado ascende a case 150.000 euros e foi aprobado cos votos a favor de Compostela Aberta, PSOE e BNG, mentres que o PP optou pola abstención.
A concelleira María Rozas aclarou que o pago das horas extras de 2018 á Policía Local está ao día. María Rozas lamentou que sexa preciso “tirar de horas extra para manter o servizo, algo que responde a que a taxa de reposición fixo que a Policía Local conte con 42 efectivos menos que hai unha década”.
