Silleda, 17 de outubro do 2018 – O encontro informático XGN R Encounter, celebrado na fin de semana no recinto Semana Verde de Galicia, leva camiño de converterse na segunda a nivel nacional despois dos resultados de esta edición.
Os responsables da XGN R Encounter consideran que esta décimo oitava edición supuxo “un paso de xigante” no proxecto de crecemento da party, que comezou o pasado ano. O encontro recolleu hai un ano a idea da antiga Xuventude Galicia Net adaptándoa a actualidade tanto a nivel técnico como de contidos. Na edición 2018 chegouse aos 900 inscritos e polo recinto pasaron máis de 1.500 persoas. A cita contou coa colaboración da empresa R e a Consellería de Política social como principais impulsoras.
Un encontro tan social como profesional
A XGN R, como outras partys informáticas, é algo máis que unha cita de aficionados á tecnoloxía. Sabino San Vicente é op coordinador das encouters que se celebran no Pais Vasco, desde este ano en Ourense e esta de Silleda. Explica que serven para que a xente se coñeza fora da rede pero tamén para crear lazos que as veces derivaron na creación de empresas
A aposta da cablera R supuxo a instalación desde Vigo dun cable de fibra óptica que ofrece unha velocidade de 10 Gb, 10.000 megabytes de conexión fronte aos 100 ou 200 que ten a maioría da xente na casa. Como explica Sabino esta velocidade da unha imaxe aos usuarios do que será o futuro
Unha das cousas que máis sorprende e a idade da xente, os afeccionados son cada vez máis e non deixan de asistir polo que comezan a vir cos fillos
Cada vez máis estes encontros son un reflexo da sociedade, dunha parte da presente pero tamén unha mostra do modelo de poboación que teremos no futuro
O evento tecnolóxico da Fundación Semana Verde de Galicia
Ricardo Durán é o xerente da Fundación Semana Verde de Galicia ABANCA. Nosa explica que o XGN R Encounter foi unha aposta por entrar no sector dos eventos tecnolóxicos
A aposta por este sector entra dentro dunha estratexia para todo o recinto que comeza a ver os seus froitos no número de visitas e, sobretodo, na aposta das empresas pola Fundación
O mellor de todo é que quedaron xa no pasado as novas sobre os problemas laborais e os debates sobre a continuidade, agora a aposta de crecemento e algo realista
O esforzo realizado, ao longo do último ano, para permitir unha boa infraestrutura tecnolóxica permitiu que este ano se centraran en mellorar o recinto de cara ao futuro
Queda moito por facer e un gran espazo por explotar. A Semana Verde de Galicia é con toda probabilidade un dos mellores recintos de toda Galicia por situación xeográfica e por instalacións e nos próximos anos verase ata onde pode chegar e que novas citas ofrece.
Unha mostra da actualidade en rede
Na actualidade falar de informática convertese as veces en falar de fontanería, todo o mundo a ten na casa e todo o mundo a usa. Estes encounters pasaron de ser un escaparate das novidades do sector a mostrar o camiño polo que discorre boa parte da innovación. Impresión en 3D, drons, proxectos de investigación vinculados ao espazo exterior e, por suposto, os video xogos en liña. De todo o mostrado en Silleda quedámonos cun sector que está cambiando a formación e a investigación, a realidade virtual. A empresa Wuau! ofreceu catro experiencias de realidade virtual extrema, unha combinación de realidade virtual co espazo físico e co propio corpo do usuario que da como resultado unha sensación de inmersión total; o explica un dos responsables, Nacho Junquera
Non se trata dun xogo, ou polo menos non só, é unha ferramenta útil na formación en campos tan importantes como o da medicina
Non é doado de explicar pero o certo é que un sente que está no lugar que está vendo, as precaucións ante a posibilidade dunha caída ou a vertixe de voar non poden ser eliminadas da cachola por máis que un saiba que non son reais.
Un futuro moi real
A XGN R Encounter márcase como reto, en poucos anos, colocarse a segunda do país con 3.000 inscritos e por detrás da do País Vasco que conta xa na actualidade con 5.000. Ten as condicións adecuadas e as sensacións son de que o crecemento será moi rápido. É unha nova vida para un dos mellores recintos feirais de Galicia o que tal vez marque tamén un cambio no realidade social do país que comeza a saír pouco a pouco da crise.
[ngg src=”galleries” ids=”96″ display=”basic_slideshow”]