A Xunta oponse ao trazado histórico do Camiño Francés que pasa por Touro

0

Touro, 22 de febreiro do 2019 – O grupo parlamentario do Partido Popular tumbou a proposta de En Marea para que o ramal histórico do Camiño Francés, que pasa por Touro, fora oficializado.

A iniciativa levada por En Marea, impulsada desde o grupo municipal de Touro, basease nas recomendacións do ICOMOS, organismo asesor da Unesco en cuestións de patrimonio. O último informe emitido por este departamento instaba a recoñecer o tramo do Camiño Francés que pasa por Arzúa, Beseño, Quión e Amenal como ruta de peregrinaxe. A proposta contaba co respaldo de diversas asociacións de promoción do Camiño, algunhas internacionais, e coa veciñanza de Touro que ven este trazado como unha fonte de dinamización do concello.

En Marea Touro considera que conseguir a oficialización de este trazado ” é unha oportunidade de desenvolvemento económico e social que Touro non pode deixar pasar; máxime na situación demográfica agónica, precarización de servizos e falla de oportunidades para a mocidade na que se atopa o concello”.

En Marea Touro critica duramente a actitude do alcalde, Ignacio Codesido, sobre este asunto do que esperaban que influíra no PP para que a proposta fora aprobada. Denuncian, despois do rexeitamento no Parlamento da proposta, o “desgoberno que sofre o municipio e o vergoñento pasotismo do alcalde ante un asunto de vital importancia, e que demostra a nula capacidade e peso político do veterano rexedor no seu propio partido”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial