займ срочно

Acumúlanse as ofertas na última fin de semana de Cineuropa

0

Compostela, 23 de novembro do 2018 – A programación deste venres en Cineuropa comezará cun necesario debate sobre a situación das mulleres tralladoras do sector audiovisual. O evento, que terá lugar ás 12 h. no Museo das Peregrinacións, terá como título: Mulleres creadoras: a situación no audiovisual galego e as experiencias noutros escenarios e nace coa intención de analizar a evolución do sector cinematográfico a diferentes niveis e desde as máis amplas perspectivas profesionais para concluír posibles liñas de acción nas que todas debemos implicarnos. As cineastas Anxos Fazáns, Jaione Camborda, María Ruido e a actriz Tamara Canosa conformarán a mesa, que será moderada pola tamén actriz e comunicadora Nieves Rodríguez.

A gran festa do cine de cada edición de Cineuropa que é o maratón, dará comezo ás 22:15 h. no Teatro Principal. Nesta 32ª edición serán 745 os minutos de cinema repartidos en 8 filmes: Border, de Ali Abbasi, What keeps you alive, de Colin Minihan, Ghostland, de Pascal Laugier, Santa Sangre, de Alejandro Jodorowsky, El gran amor del Conde Drácula, de Javier Aguirre, Síntomas, de José Ramón Larraz, Escalofrío, de Carlos Puerto, e un filme sorpresa.

Pero ao longo do día haberá tamén varias estreas. Ás 17:45 h. no Teatro Principal dará comezo The man who surprised everyone, dos rusos Natalya Merkulova e Aleksey Chupov, un filme imprevisible que se erixe en obra de emancipación, como un milagre entre Dreyer e o máis xenuíno e efectivo activismo LGTBI. A continuación, ás 19:45 h. no mesmo Principal, o novo de Bi Gan que cativou na sección Un certain regard de Cannes: Longa viaxe do día cara a noite. Con ecos de In the Mood for Love, a procura dun antigo amor percorre a película e, transcorrida unha hora, Bi Gan introduce os créditos como dun comezo. En efecto, asistimos a unha proeza iniciática: os 50 minutos restantes do filme son un único plano-secuencia no que o encontro dos amantes se respira como algo onírico, como un baile de ambos sobrevoando literalmente a realidade.

Pola súa banda, o Salón Teatro acollerá ás 18 h. a estrea de Diane, de Kent Jones, unha viaxe o fondo da insatisfacción dunha muller que parece lastrada polos problemas dos seres queridos aos que coida, e que respira moito de elexía pola nai do propio cineasta.

Ao longo da xornada deste venres poderemos atoparnos con cineastas como Charlotte Serrand e Ángel Filgueira, que visitan Cineuropa para presentar os seus filmes: 1048 lúas e Sevilla y Gomorra. O Museo das Peregrinacións acollerá ambas as dúas proxeccións ás 20 h e 21:30 h respectivamente.

PROGRAMACIÓN CINEUROPA VENRES 23

TEATRO PRINCIPAL

16:00 DRESSAGE Pooya Badkoobeh

17:45 THE MAN WHO SURPRISED EVERYONE / O HOME QUE SORPRENDEU A TODOS Natalya Merkulova e Aleksey Chupov

19:45 LONG DAY’S JOURNEY INTO NIGHT / LONGA VIAXE DO DÍA CARA Á NOITE Bi Gan

22:15 MARATÓN DE #CINEUROPA32

GRÄNS / BORDER Ali Abbasi

WHAT KEEPS YOU ALIVE Colin Minihan

GHOSTLAND Pascal Laugier

SANTA SANGRE Alejandro Jodorowsky

EL GRAN AMOR DEL CONDE DRÁCULA Javier Aguirre

SYMPTOMS / SÍNTOMAS José Ramón Larraz

ESCALOFRÍO Carlos Puerto

PELÍCULA SORPRESA MARATÓN

SALÓN TEATRO

16:15 HAL Amy Scott

18:00 DIANE Kent Jones

19:45 SUNSET / ATARDECER László Nemes

22:15 NOTTI MAGICHE / NOITES MÁXICAS Paolo Virzì

MULTICINES COMPOSTELA (SALA 2)

17:30 ALONDRAS EN EL ALAMBRE / COTOVÍAS NO ARAME* Jiří Menzel

19:15 EL ENCARGO DEL CAZADOR* Joaquim Jordà

21:00 À MA SOEUR / FAT GIRL* Catherine Breillat

22:30 LA VIE NOUVELLE* Philippe Grandrieux

CINEMA NUMAX

17:00 FOTBAL INFINIT / FÚTBOL INFINITO Corneliu Porumboiu

18:30 LA FLOR (terceiro acto) Mariano Llinás

SEDE AFUNDACIÓN

17:00 NATTLEK / XOGOS DE NOITE* Mai Zetterling

18:45 KOMISSAR / A COMISARIA* Aleksandr Askoldov

MUSEO DAS PEREGRINACIÓNS

12:00 MESA DE DEBATE. MULLERES CREADORAS: A SITUACIÓN NO AUDIOVISUAL GALEGO E AS EXPERIENCIAS NOUTROS ESCENARIOS

16:00 L’UDIENZA* Marco Ferreri

18:00 HUNGRY HEARTS* Saverio Costanzo

20:00 1048 LUNES / 1048 LÚAS Charlotte Serrand, con presentación e coloquio.

21:30 SEVILLA Y GOMORRA* Ángel Filgueira, con presentación e coloquio.

Nota: as películas marcadas cun asterisco son de entrada libre.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies