Adiante Melide pechan un pacto de goberno

0

Melide, 4 de xullo do 2019 – Adiante Melide e o Psoe da vila veñen de emitir un comunicado conxunto no que anuncian o pecha dun pacto de goberno para a presente lexislatura.

É posiblemente unha das sorpresas, na bisbarra, das últimas eleccións municipais. Non moitos apostaban por que o PP perdera a alcaldía de Melide despois do traballo realizado pola alcaldesa Dalia García. Finalmente non foi un dos seus maiores opositores, o BNG, que conseguiu os apoios suficientes para un cambio, de feito os nacionalistas quedaron fora do concello. Adiante Melide, un novo partido, acadou 5 concelleiros fronte aos 6 do PP; agora co acordo co Psoe, 2 concelleiros, alcanzan unha maioría de goberno.

O pacto era anunciado do seguinte xeito “Hoxe José Manuel Pérez de Adiante Melide e Jose Prado do PSdeG-PSOE de Melide, firmamos o pacto para constituir un goberno municipal de coalición e progresista para o mandato 2019-2023″. O comunicado emitido polas redes sociais de ambos partidos continuaba anticipando algo da xestión ” Como mostra da vontade de entendemento e para acadar maior eficacia na xestión, o Alcalde e o tenente de Alcalde, xestionarán de forma conxunta os departamentos de Obras,Vías e Infraestruturas e Urbanismo”.

Compartir a delegación de obras será un caso único e, de saír ben, un exemplo de cooperación. Que os dous voceiros dos partidos que integran o goberno compartan esa responsabilidade obriga a un entendemento a hora de priorizar os traballos, algo que sen duda reforza o acordo e evita fisuras.

Queda por saber como estará organizado o novo goberno pero ata o día 15, data límite, hai tempo de convocar un pleno de organización que marcará unha nova etapa na vila de Melide. 

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial