Ames, 2 de marzo do 2019 – O Concello de Ames e a Federación Galega de Atletismo organizan este domingo, 3 de marzo, o Trail e Andaina Ribeiras do Tambre no que participaran máis de 300 deportistas.
A saída do Riberas do Tambre terá lugar ás 10.00h para os participantes no Trail, e as 10.05 para os da andaina, de Ponte Maceira. Esta proba está encadrada na especialidade atlética do Trail-Running e pertence ao calendario oficial da Federación Galega de Atletismo, polo que estará baixo o control técnico do Comité Galego de Xuíces da Federación.
O trail constará dun percorrido duns 16 quilómetros, cun desnivel positivo duns 405 metros e un desnivel acumulado de 635 metros. Pola súa banda a andaina percorrerá arredor de 15 quilómetros, cun desnivel positivo duns 340 metros e un desnivel acumulado de 535 metros.
A recollida de dorsais realizarase a partir das 8.30 horas nas instalacións do Real Aeroclub na Ameixenda e, a continuación, os participantes serán trasladados ata Ponte Maceira. Ao finalizar ambas actividades, levarase a cabo a entrega de premios, programada a partir das 12.30h nas instalacións do Real Aeroclub, meta das dúas probas.
Categorías e premios
Na andaina non se establecerán categorías de participación, e poderán intervir menores de idade de ate 10 anos, sempre que vaian acompañados/as por un adulto. No tocante ao trail, estableceranse un total de cinco categorías: senior masculina e feminina, na que se encadrarán os participantes de 18 anos ate master; master 1 masculina/feminina, nados entre 1979 e 1984; master 2 masculina e feminina, nados de 1970 a 1978; master 3 masculina e feminina, nados no 1969 ao antes; e absoluta masculina e femininas, que englobará a calquera das categorías anteriores.
Recibirán premios os tres primeiros clasificados de cada categoría, os tres primeiros equipos, tanto federados como populares, e os catro primeiros clubes da clasificación do trail. Os premios económicos para estes últimos serán de 125 euros para o primeiro equipo clasificado, 100 euros para o segundo, 75 euros para o terceiro e 60 euros para o cuarto. Asemade, todos os participantes do trail e a andaina recibirán un agasallo técnico pola súa participación, que poderán recoller xunto ao dorsal antes do comezo das probas.
Esta actividades está organizada polo Concello de Ames e maila Federación Galega de Atletismo, o evento conta coa colaboración do Real Aeroclub de Santiago, Gonzacar, Pazo de Anzuxao, Tropic e Frutas Compostela.