Boqueixón, 11 de maio do 2018 – O Concello de Boqueixón acollerá este domingo 13 de maio a Andaina das Letras, unha actividade promovida pola Deputación da Coruña que xunta deporte e literatura.
A Andaina das Letras está dirixida a nenos e nenas e ás súas familias e é de carácter gratuíto. O percorrido dará comezo ás 18.00 horas na área recreativa de Sucira. Neste punto dará comezo o safari literario na Ruta dos Pescadores, cunha extensión de 4 quilómetros. Ao remate da andaina, en Ponte Ledesma ofrecerase un gran xogo en familia baixo o título Contos vivos que fan poesía.
Esta actividade inclúese dentro da programación que o Concello de Boqueixón porá en marcha co gaio da celebración do Día das Letras Galegas. Para máis información, deberase contactar co Departamento de Cultura a través do teléfono 981 513 115 ou no e-mail cultura@boqueixon.com.