Andaina PSM estrea novo centro de rehabilitación psicosocial e laboral en Ordes

0

Ordes, 11 de outubro do 2018 –  O prestixioso oncólogo e investigador Anxo Carracedo foi o encargado de inaugurar oficialmente o novo centro de rehabilitación psicosocial e laboral da asociación Andaina PSM en Ordes, situado no número 14 da rúa Emilio Pardo Bazán, na zona do Paraíso.

Na inauguración do local da Andaina PSM, Anxo Carracedo compartiu co auditorio a súa experiencia coas enfermidades mentais e a situación desta na ámbito da sanidade, á cal calificou como “a gran esquecida e e minoritaria en cuestión de recursos”. A xornada completouse cun almorzo e coa charla a cargo de Julio Rodríguez, membro da Fundación Galega de Medicina Xenómica. Pola súa banda o grupo teatral de Andaina representou a obra O Galo.

Entre as persoas que non faltaron a esta acto figuraron representantes dos concellos da comarca, o presidente da Mancomunidade de Ordes o presidente e o director de FEAFES.

Máis de 40 usuarios

A día de hoxe esta asociación, experta na atención integral das  persoas  con  enfermidade  mental,  das súas  familias  e persoas  coidadoras no  ámbito rural, conta con 40 usuarios e usuarias na comarca ordense. Grazas a estas novas instalacións de máis de 260 metros cadrados de superficie útil, todas e todos eles poderán seguir valéndose das distintas actividades e servizos que se veñen brindando dende hai anos nesta zona. Así, ademais da atención ao público tamén se desenvolverán sesións de movemento e psicomotricidade; rehabilitación cognitiva; educación, saúde e deporte; arteterapia; xestión da atención psicolóxica no domicilio e clases de cociña; obradoiros de igualdade; ioga e habilidades sociais. 

A dita actividade, da que tamén poden valerse persoas sen un diagnóstico emitido, vén avalada dende hai algún tempo polo Servizo Galego de Saúde (SERGAS). Recentemente asinouse un convenio  de  colaboración co centro de rehabilitación ordense e co seu programa  de  atención domiciliaria,  tan  importante  nos concellos  rurais debido ás  circunstancias  sociodemográficas e ás dificultades que se presentan á hora de acceder a este tipo de  servizos.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial