A ANPA do CPI de O Pino denuncia recortes

0

O Pino, 13 de setembro do 2017 – A ANPA do CPI de O Pino Camiño de Santiago denuncia recorte no colexio e solicita que se cubra de forma urxente unha praza de profesorado para a ESO.

A ANPA do CPI de O PIno concreta que non se concedeu un Mestre con perfil para linguas tal e como indicara o centro que se precisaba. Especialmente grave cando o alumnado, as familias e o centro fan un esforzo por manter seccións bilingües curso tras curso. E a todo isto hai que sumar que en Educación Primaria tampouco se cubriu a vacante dun Mestre xubilado.

No presente curso escolar, o centro conta con nove unidades de Primaria nas que hai oito titores e unha titoría compartida por dúas mestras especialistas. A ANPA considera que sería beneficioso tanto para o alumnado como para as familias que a Consellería tamén adxudicase esa praza de Primaria a un docente. Deste xeito tamén o profesorado disporía de horas para a organización de actividades cos rapaces. E máxime cando a tendencia deste colexio nos vindeiros anos, dado o aumento de matrícula en Educación Infantil, é a manter as liñas desdobradas e a precisar tanto novo profesorado como novo aulario.  

Nestes momentos a maior urxencia, a apenas uns días de inicio do curso escolar en Secundaria, é a dotación dun especialista máis para os alumnos da ESO e o reforzo en Primaria. Por iso a ANPA solicita á Consellería que teña en conta as características deste centro e designe a dous profesionais máis para o cadro de profesorado do presente curso.

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies