Ames, 21 de abril do 2018 – As ANPAS de Ames veñen de emitir un comunicado no que aceptan incorporarse a Comisión de Baremación que o concello quere crear.
As ANPAS só participaran na Comisión de Baremación por unha cuestión de transparencia e sen ter voz nin voto. As ANPAS deixan claro no comunicado que consideran que a principal función dos pais na Comisión é “verificar datos e aportar calquera suxestión ou cuestión ao traballo técnico realizado polo persoal cualificado, e designado, a tal efecto”. O Comunicado das ANPAS xurde despos de recibir unha invitación do Concelleiro de Educación, David Santomil para participar na Comisión de cara a asignación das prazas para o curso 2018/19.
Protestas dos país da Escola Infantil da Madalena
Por outra banda país da Escola Infantil da Madalena, no Milladoiro, veñen de solicitar ante a Delegación do goberno permiso para concentrase diante do concello antes do pleno ordinario do próximo xoves, as sete e media da tarde. Os país reclaman que non se aplique baremación xa que iso impide o obxectivo do servizo de comedores que é conciliar. Os país redactaron tamén un modelo de instancia para que os país a podan presentar ante o concello esixindo que non se bareme. Na instancia arguméntase que o contrato de licitación permite ser modificado e dar cabida a tódolos demandantes do servizo.