Arzúa retoma as actividades de ocio no rural

0

Arzúa, 8 de xaneiro do 2018.- Dende hoxe os veciños do rural de Arzúa volven a contar nos seus centros sociais coas actividades que a concellería de Benestar Social achega para ofrecer unha alternativa de ocio e lecer ás persoas maiores.

As parroquias ás que se lle ofrece esta iniciativa seguirán sendo as mesmas que ata o de agora: A Castañeda, Boente, Vilantime, Pantiñobre, Oíns, Burres, A Mella, Viladavil, Dombodán e Viñós. Os veciños de cada unha delas deberán achegarse a cadanseu local social no horario habitual no que se viñan desenvolvendo as actividades; calquera persoa aínda que non sexa da propia parroquia pode participar das actividades achegándose ao local que lle sexa máis cómodo, xa sexa por horario, proximidade ou calquera outra razón.

A Concelleira de Benestar Social, Aurora Varela, anunciaba a pasada semana que o departamento da súa responsabilidade encargado deste proxecto de dinamización do rural tomara a decisión de trasladar esta iniciativa tamén á parroquia de Lema. En palabras da concelleira isto é posible “grazas a que agora os veciños de Lema xa dispoñen, dende hai unha semana, dun local social no que poder reunirse para disfrutar destas e doutras moitas actividades, algo que nos alegra e polo que, dende o goberno local, levabamos moito tempo traballando”.

Os veciños de Lema que desexen participar desta iniciativa de ocio e lecer pódense achegar ata o Centro Social Doctor Antonio Martínez de la Riva Labarta os xoves de cada semana ás catro da tarde.

Aurora Varela quixo salientar tamén o esforzo do goberno municipal por manter este tipo de iniciativas que axudan a dinamizar a vida no rural e que sempre supoñen un aliciente para o mantemento dunha vida activa sa e saudable.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies