Ames, 30 de maio do 2018 – As Asociacións de Nais e pais de Ames acordaron manifestarse este xoves, antes do pleno mensual, baixo o lema Ningún neno sen comedor.
As ANPAS tomaron a decisión da asemblea conxunta que realizaron o pasado día 25. A falta de prazas de comedor segue sendo a principal motivación da convocatoria. O lugar elixido a Praza do Concello e a hora as sete e media da tarde, xusto unha hora antes do pleno ordinario que se celebra cada mes.
No comunicado no que convocan as familias do concello as ANPAS indican que ” a comunidade de pais e nais de todo o Concello pedimos que ningún neno/a con necesidades de conciliación, polos motivos que sexan, quede fóra do servizo”. Explican que na actualidade son 80 as familias que non teñen praza de comedor e non teñen posibilidade de conciliación. A situación obriga a buscar outro colexio, fóra do seu entorno, onde poidan conciliar.
As asociacións engaden no comunicado unha demanda de loita conxunta que remata coa frase “queremos conciliar non emigrar”.