As Brañas do Sar en Compostela ten nova sinalización

0

Compostela, 5 de decembro do 2018 – O Concello de Compostela vén de instalar uns novos paneis informativos nas Brañas do Sar, para poñer en valor a riqueza deste espazo natural.

Os concelleiros de Medio Ambiente, Xan Duro, e de Benestar Animal, Noa Morales, presentaron a cartelería, na que se explica a historia das Brañas do Sar, os seus usos tradicionais e cal é a súa flora e a súa fauna características.

A concelleira de Benestar Animal explicou que os paneis informativos enmárcanse “no traballo que vén realizando o Goberno para poñer en valor este espazo natural, e que xa deu resultados moi importantes como o acondicionamento das sendas peonís ás que tanto uso lles está a dar a veciñanza. Agora toca ir un paso máis alá, para que a cidadanía non só percorra este ámbito, senón que o faga sendo consciente da súa riqueza e da súa historia”. De cara ao ano que vén, “o Departamento está traballando na organización dunha serie de visitas guiadas, pensadas fundamentalmente para escolares e alumando de ensino secundario, co obxectivo de que coñezan mellor este espazo”.

Información ambiental

O concelleiro de Medio Ambiente e Convivencia incidiu en que “as Brañas de Sar son unha illa de natureza no medio dun ámbito que sufriu un intenso desenvolvemento urbanístico, e contan con importantes valores ambientais”. Deles dáse conta nos paneis instalados, que explican cales son as especies vexetais e animais que se poden observar na zona, tanto autóctonas como invasoras. Ademais, Xan Duro apuntou que a sinalización tamén achega información sobre os usos tradicionais deste espazo, vinculados ás hortas e á agricultura, sobre a súa historia e mesmo sobre elementos arquitectónicos próximos como a colexiata de Sar.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial