Bisbarra, 29 de outubro do 2020 – O número de positivos por Covid nos centros educativos na Área Sanitaria Santiago Barbanza descende por primeira vez nas últimas semanas.
As cifras facilitadas o pasado día 24 polo Sergas daban un total de 117 positivos, tras a fin de semana o martes 27 os datos chegaban aos 137 positivos pero onte baixaban a 133. O número de aulas pechadas é de 5 e os brotes máis importantes son en Santiago no Colexio La Salle con 7 positivos e Compañía de María con 6.
Bisbarra
O número de positivos por Covid na Área Sanitaria non segue esa tendencia e crece un dia máis. Onte mércores chegaban a 1186 positivos por Covid cando o martes eran 1128 e o luns 1122. O número de ingresados chega a 57 dos que once están en coidados intensivos.
Aumentan o número de concellos en alerta 3. A Santiago, Ames e Teo, que agardan un posible peche este venres, súmanse A Estrada, Silleda, Lalín e Muros.
En alerta 2, laranxa, están Boiro, Brión, Oroso, Ordes e Cerceda. Finalmente en amarelo se sitúan, Arzúa, Boqueixón, Mesía, Noia, Porto do Son, Rianxo, Ribeira, Vedra e Vila de Cruces.
Petición de responsabilidade
Desde Ames e Santiago fan un chamamento a acudir as probas PCR cando un é convocado. Tanto no Milladoiro os tantos por cento de resposta as chamadas do Sergas foron moi baixas e distintos responsables políticos de ambos os dous concellos o expresaban nas redes sociais apelando á responsabilidade da cidadanía.
O alcalde de Santiago era moi claro sobre este tema e se lamentaba onte de que só acudiran a mitad dos chamados, no ensanche da cidade, a facer unha PCR