A asemblea do Psoe de Teo aceptou o pacto de goberno

0

Teo, 29 de xuño do 2019 – O último atranco para que Teo teña un novo pacto de goberno quedou resolto na asemblea celebrada polas bases socialistas.

Psoe e Son de Teo tiveron desde o primeiro momento diferenzas que levaron ao BNG a apartarse das mesas de negociación. A diferenza co 2015 era evidente xa que si o grupo de Rafa Sisto sacaba máis votos a noite electoral dáballe o mesmo número de concelleiros a Uxía Lemus. O pacto de goberno tería que pasar por un acordo máis igual entre ambas as dúas formacións.

Tras a primeira fase que concretou que o alcalde seguiría sendo Rafa Sisto chegou a hora de distribuír dedicacións e áreas. As posturas foron acercándose ata quedar pendentes dunha media dedicación máis, a da persoa de confianza do alcalde.

Rafa Sisto consideraba que o rexedor precisa dunha persoa a xornada completa “Quen entende que un alcalde de case 20.000 habitantes non conte a tempo completo cunha persoa que atenda as chamadas, concerte e prepare citas, negocie axendas con outras institucións ou atenda a prensa?” e poñía de exemplo a Ames, Oroso ou Santiago.

O Psoe consideraba que era posible facer máis con menos e era partidario de axustar o máximo posible os recursos do equipo de goberno. Quedou todo pendente da asemblea que as bases do partido celebrarían onte venres.

Finalmente as bases socialistas aceptaron a proposta de Son de Teo. O certo é que ambos partidos recoñecen que durante os últimos catro anos traballouse en boa sintonía. Pese o acordo o novo goberno terá que ter sempre presente ao BNG xa que un no en calquera asunto sumado ao do PP faría que perderán a votación.

Resta por saber a distribución de áreas e dedicacións, 6 máis un cargo de confianza. O pleno de organización ten por lei que ser antes do 15 de xullo pero espérase que se convoque canto antes para poder comezar a traballar.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial