Aser Estévez do CC Padronés gana no GP Cidade de Vigo

0

Padrón, 28 de agosto do 2017 – Bo fin de semana para Aser Estévez (Cortizo-Anova) que tras proclamarse vencedor absoluto do GP Cidade de Vigo sitúase líder na Copa de Galicia.

O díptico constaba de cinco probas para categoría elite e sub23 repartidas entre o sábado e domingo. No evento tamén participaron escolas, infantís, cadetes e xuvenís do Club Ciclista Padronés.

A primeira xornada daba comezo á primeira hora da tarde do sábado. Inauguraban a proba os alevíns á vez que promesas e principiantes, mentres que a categoría elite e sub 23 alternaba as súas 3 probas puntuables desa tarde entre as categorías inferiores. Primeiro tivo lugar a proba de fondo, cun total de 20 voltas ao circuíto que deixaron a Aser Estévez ás portas da vitoria cun segundo posto. Na segunda proba de elite e sub23 debían dar 15 voltas ao circuíto con espríns especiais cada 3, sendo o corredor guardés o gañador desta manga. A última proba do sábado era americana, caendo os dous últimos de cada volta eliminados. Aser Estévez aguantou ata as últimas voltas quedando en cuarta posición. Ao final do sábado, o corredor do Cortizo-Anova subíase ao segundo caixón do podio da clasificación xeral e vestíase a camisola de líder da Copa de Galicia.

O domingo pola mañá os corredores enfrontábanse a unha cronoescalada entre Pórtaa do Sol e O Castro (3,5km) e unha segunda proba de circuíto na zona do Castro, tanto para os elite e sub23 como para junior e mulleres. Nesta segunda xornada do díptico, Aser Estévez seguiu sumando puntos cun terceiro posto na cronoescalada (a tan só 3 segundos do primeiro clasificado e centésimas do segundo) e sexto posto no duro circuíto ao redor de O Castro. O cómputo global de puntos acumulados ao longo do fin de semana alzou ao guardés coa vitoria absoluta da proba, proclamándose vencedor do GP Cidade de Vigo-Díptico de Galicia. Ademais, volveu vestir a camisola da Copa de Galicia, afianzando a súa posición de líder.

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies