Aser Estévez do Cortizo-Anova triunfa no Campionato Galego de Contrarreloxo

0

Padrón, 18 de maio do 2017 – O Club Ciclista Padronés triunfa no Campionato Galego de Contrarreloxo, celebrado este mércores en Baños de Molgas, coa vitoria absoluta de Aser Estévez na proba e suma unha medalla de ouro e dous de prata.

Aser Estévez revalidou o seu título e coróase un ano máis campión galego de contrarreloxo seguido do seu compañeiro Samuel Rodríguez que leva este ano o título de subcampión galego, ambos en categoría elite. Miguel Mera, actual líder da Copa Galicia Cadete, alzouse subcampión da súa categoría sendo este ano precisamente o seu debut na proba.

Aínda que a cita este ano repetía localización, o trazado era diferente, con 11,4 quilómetros de constante ascensión e cun repecho inicial que só os máis fortes puideron dominar. Así, Estévez, que se converte con esta vitoria en decacampeón galego desta modalidade, non só revalidou o seu título, senón que se impuxo vencedor xeral da proba completando o percorrido en 17 minutos e 11 segundos, 38 segundos máis rápido con respecto ao segundo clasificado, Diego Tirilonte (Rías Baixas).

A clasificación xeral completa e por categorías, dispoñible na ligazón da Federación Galega de Ciclismo: http://www.fgalegaciclismo.es/sites/default/files/cri_1.pdf

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies