Compostela, 9 de xaneiro do 2017 – No día de onte xurdía a noticia de que a Asociación de Hostalería non seguiría financiando o botafumeiro dos venres ao declararse insolvente.
A nova aparecida nun medio de comunicación local cargaba a responsabilidade na asociación pola falta de recursos económicos ao que agora responde o colectivo co seguinte comunicado:
A Asociación de Hostalería Compostela quere facer constar que a publicación referida á non renovación do convenio do botafumeiro é incerta e tendenciosa tal e como foi publicada.
Ningunha das tres partes, Asociación de Hostalería, Cámara de comercio e Incolsa, aceptaron os termos expostos pola catedral.
Os termos usados de declaración de insolvencia e o resto da noticia carece de rigor e fundamento, supoñendo un ataque inxustificado contra a Asociación de Hostalería Compostela Certo é que Hostalería Compostela non pasa polo seu mellor momento económico, pero nunca eludimos o noso compromiso en continuar con esta boa iniciativa da que somos promotores. Así mesmo, queremos facer constar que a Asociación de Hostalería sempre aposta e traballa pola promoción turística da cidade e apoiará ou tratase de incentivar calquera acción nese sentido.