As bibliotecas de Ames adoptan o sistema koha de uso común en Galicia

0

Ames, 28 de setembro do 2017 – As bibliotecas de Ames instalan estes días o sistema de xestión koha que será común a toda a rede bibliotecaria galega.

A instalación do novo sistema permitirá, entre outras cousas, a creación dun catálogo único e a unificación dos carnés de socios, que comezarán a ser válidos en toda a Rede.

As bibliotecas municipais de Ames permanecerán pechadas por este motivo ata o vindeiro luns, 2 de outubro aínda que as aulas de estudo si se poderán usar.

Ames é un dos primeiros concellos en migrar do sistema Meiga, usado ata o de agora, ao KOHA. Isto posibilitará a integración de todas as bibliotecas públicas de Galicia, coa creación dun catálogo único e a unificación do traballo do persoal técnico das bibliotecas. Outra das novidades que trae consigo a instalación deste novo sistema é a creación dun carné único para todas as usuarias e usuarios das bibliotecas, podendo acceder aos servizos de todas as integradas na Rede. As socias e socios deberán pasar polas bibliotecas municipais de Ames nas próximas semanas, para obter o novo carné.

Os traballadores das bibliotecas de Ames están xa a formarse na xestión e emprego do novo sistema. Asemade, tamén están aproveitando estes días, de peche das bibliotecas, para realizar o inventario.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial