Mozart á Galega no Pazo da Peregrina

0

Ames, 17 de xuño do 2020 – A actividade volve aos concellos e Ames programa, para o próximo 25 de xuño, unha actuación no Pazo da Peregrina do espectáculo Mozart á Galega como xeito de retomar as actuacións con público.

Despois de Mozart á Galega, a seguinte cita será o festival de Jazz xa na primeira semana de xullo, o día 4. Actuacións que se celebrarán atendendo as novas normas en materia de seguridade sanitaria.

Mozar á Galega

O próximo xoves, 25 de xuño, desenvolverase o espectáculo “Mozart á Galega” no Pazo da Peregrina de Bertamiráns, ás 22.00 horas. Trátase dunha actividade subvencionada pola Deputación da Coruña, no marco do programa “Un bico un cantar”. O concerto é gratuíto e de entrada libre, pero debido ás circunstancias derivadas da Covid-19, o espectáculo desenvolverase respectando todas as medidas de seguridade. O grupo Integral dos Cuartetos para Frauta e trío de cordas está conformado por Luís Soto na frauta travesa, David García ao violín, Joana Ciobotaru á viola e Millán Abeledo ao violoncello.

Mozart á Galega no Pazo da Peregrina

Integrantes de Mozart á Galega

A concelleira de Cultura, Natividade González, explica que “é importante que a programación cultural poida seguir desenvolvéndose durante os vindeiros meses, sempre tendo en conta as normas establecidas sobre aforo, distancia de seguridade e hixiene, porque é o sector cultural é un dos máis afectados pola situación económica privada pola crise sanitaria da Covid-19”.

A concelleira destaca, igualmente, que “desde o inicio da crise, como goberno, unha das primeiras iniciativas foi priorizar de inmediato a realización dos pagamentos pendentes a compañías e artistas, ao igual que comunicar a estes, asociacións culturais, comisións de festas e agrupacións, o mantemento da programación propia respecto aos contratos existentes, que tiñan previstas actuacións”.

 

Novas alternativas para o futuro

Ademais, dende a Concellaría de Cultura traballase no plantexamento de novas alternativas para o futuro, se ben enténdese que, a curto prazo, é necesario que se manteñan os orzamentos de cultura, que se sigan facendo as contratacións con vistas ao verán, programacións con aforo reducido, en pequeno formato, pequenas actuacións, concertos verticais e, nos auditorios, con todas as medidas de seguridade e reducindo o aforo.

Natividade González sostén que se trata de “por unha banda, seguir programando e, pola outra, asumir a responsabilidade e ser consecuentes como representantes públicos da menor destrución de emprego do país, do noso concello e, no meu caso, mirar pola reactivación do sector cultural”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial