Convive.conmigo, un programa de acollida de adolescentes

0

Bisbarra, 12 de setembro do 2019 – A Asociación Arela e a Consellería de Política Social desenvolven un programa de acollida de adolescentes que cumpren medidas educativas baixo o nome de Convive.conmigo.

Desde a asociación búscase atopar familias dispostas a acoller adolescentes que teñen que cumprir medidas xudiciais. Convive.conmigo capta, avalía e forma a esas familias para que despois realicen a acollida nas mellores condicións. Arela realiza ademais un acompañamento durante todo o proceso de acollida.

Estas familias servirán no ámbito xudicial servindo de recurso ao xulgado para que esta poida recoller nas súas sentenzas a medida de convivencia en grupo educativo. Este tipo de sentenzas obrigan a un/unha adolescente a vivir noutro contexto familiar diferente ao de orixe, tratando de reconducir a situación que o/a levou a un Xulgado de Menores, facilitándolle un entorno de socialización positiva co fin último de evitar unha reincidencia futura.

A duración aproximada dunha medida de convivencia oscila entre 6 meses e un ano, tempo durante o cal o/a adolescente debe convivir con esta nova familia (ou persoa) de tal xeito que se lle ofreza un entorno no que aprender/modificar aquelas condutas que foron motivo de denuncia. No momento de comezo de cumprimento da medida xudicial, asínase un contrato e dende a Xunta de Galicia finánciase esta convivencia.

As funcións que corresponden a este programa consisten en captar, formar e avaliar ás persoas que se interesen en participar, ademais de realizar un acompañamento durante o cumprimento da medida xudicial.

Durante o proceso de avaliación e formación, realizaranse múltiples entrevistas, mínimo unha visita domiciliaria e varias sesións formativas tanto de índole grupal como individual. Podese atopar máis información na web da Asociación Arela http://www.arela.org/Noticias/programa-convive.html

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial