Brión, 21 de abril do 2020 – O concello de Brión é posiblemente dos mellor preparados para unha crise como a do Coronavirus grazas a súa aposta polo local.
Ao longo dos últimos 40 anos o seu alcalde, José Luís García, reforzou aspectos como un urbanismo moderado, a produción local ou unha brigada de obras que non precisa de empresas alleas. Falamos con el para saber como afrontan a crise Coronavirus.
García leva de alcalde desde 1979, 5 lexislaturas como independente e 6 co Psoe, pero nunca vivira nada así
O alcalde ten claro que o primeiro son as persoas, a axuda aos que podían ser máis vulnerables foi unha das primeiras medidas que se tomaron
O problema, a xuízo de José Luís García, pode chegar nuns meses xa que agora mesmo existen axudas. En todo caso agora é o momento de preocuparse de combater os problemas derivados da pandemia, desde as necesidades básicas á violencia de xénero
José Luís Garcia
Brión centrouse na produción local cun centro de transformación no antigo centro comercial de Monte Balado. A idea que estaba na fase de formación convertese agora nun referente e nunha esperanza para poder subsistir
En este sentido a iniciativa máis novidosa na que se traballa e un matadoiro móbil polo que xa se interesaron desde outros concellos, un proxecto que redundará tamén na produción local de animais para o consumo
Como Deputado provincial preguntámoslle polo papel da institución. García destaca a unidade que se está dando en xeral entre os distintos organismos e agradece o papel da oposición
É posible que Brión sexa un dos espellos nos que os concellos teñan que mirarse. A súa independencia para desenvolver obra pública, a aposta pola produción local, con iniciativas innovadoras na nosa contorna, e a tamén destacable implicación na cultura, con eventos como os Encontros coa arte ou o premio Laudamuco de teatro, o converten nunha referencia a ter moi en conta nos tempos que veñen.
