Bisbarra, 25 marzo 2020 – Seguimos facendo unha radiografía de como afecta a crise do Coronavirus á bisbarra e falamos cos que traballan en asuntos sociais.
Si os sanitarios coñecen mellor que ninguén a realidade dos enfermos, os axentes e responsables de asuntos sociais ven cada día os efectos do Coronavirus na economía, na convivencia e nos problemas das familias máis vulnerables.
O Milladoiro é unha zona na que viven persoas de baixos recursos económicos. Cáritas duplicou o número de peticións e pensa xa en ampliar o reparto
Desde a organización fan un chamamento para que o que poida que faga donacións pero especialmente poñen a vista na hostalería, moitos dos produtos almacenados poderían perderse e sempre será mellor darlles saída
Tamén no rural
Vedra é un concello de 5.000 habitantes que ve tamén como o departamento de asuntos sociais ten que multiplicar os esforzos. Falamos con Ana Aldrey que nos explican como tiveron que reorganizar os recursos para facer fronte a esta situación. Mentres outros departamentos pasaban a ter servizos mínimos eles están traballando 24 horas
Esta semana o sindicato de enfermería SATSE pedía gabinetes de apoio psicolóxico para os profesionais sanitarios. A presión á que están sometidos os que están en primeira liña deixa pegada e Ana nos explica que están o límite
Cando todo pase teremos que pensar si o modelo que temos funcionou ou non. Ana ten claro que os que planifican e distribúen os recursos teñen que ter máis en conta o traballo dos que están en contacto directo coa realidade
Compostela, un traballo permanente
Quixemos coñecer tamén como está pasando a crise na Capital. Compostela ten cerca de 100.000 habitantes polo que a situación é distinta a do rural. Mila Castro é a concelleira responsable de Asuntos Sociais e explica que se está traballando con todos os recursos
Recoñece a presión coa que conviven os traballadores aínda que lembra que non é algo que suceda agora, en estes departamentos é algo que xa sucedía antes da crise
Outro dos temas que estes días pasaron ao primeiro plano foi o das persoas sen fogar. Santiago tiña moito avanzado porque é algo no que traballan todo o ano e coñecen a situación da maioría dos casos
Santiago mantén convenios con distintas pensións da cidade polo que sempre hai un teito. Mila explica que en esta situación estase a facer o mesmo que xa se facía, aloxalos e buscar solucións que normalicen, na medida do posible, a vida de estas persoas.
Mila Castro recoñece que esta sociedade ten que cambiar o modelo cando todo esto pase pero tamén explica que en estas situacións e cando se ve o mellor da cidadanía
O certo é que os departamentos de servizos sociais son do mellor que se pode atopar en todos os concellos. Tal vez cando pase a crise sexa o momento de repensar o seu papel e si os recursos con que contan son suficientes.