Bisbarra, 13 de agosto do 2020 – As mancomunidades de Barbanza Arousa Norte e o Salnés déronse cita este verán en medio das rías, diante do Faro de Punta Cabalo na Illa de Arousa.
A cita, á que chegaron alcaldes, concelleiros e invitados en dous barcos desde cada mancomunidade, tiña como motivo a firma dun convenio de colaboración para a promoción dun enclave tan especial.
Como principal fin o desenvolvemento do turismo náutico, un nicho de mercado moi activo e con gran capacidade de crecemento. Nun tempo tan convulso no que o distanciamento social é unha prioridade este tipo de turismo ten sen duda moitas vantaxes. As Barbanza e Salnés contarán coa empresa North Marinas, unha operadora que leva tempo traballando en este campo.
O responsable da compañía, Jesús Gonzalez, indicaba que nunha primeira fase buscarase a difusión no norte de Europa, desde onde chegará en breve unha expedición, e posteriormente mirarase cara o sur da península ibérica.
Tamén participou a Asociación Galega de Actividades Náuticas, AGAN, que asistiu co seu vicepresidente José Manuel Fernández. AGAN apoia a iniciativa que coincide con traballo que desenvolve a asociación en colaboración coa Mancomunidade do Barbanza; o proxecto Ecodestin de creación de destinos náuticos culturais financiado pola Unión Europea.
O convenio firmado é un traballo inédito en Galicia e podería servir de base a futuras colaboración de ambas as dúas mancomunidades en outros ámbitos.
