займ срочно

O BNG da Estrada denuncia que as procesións levan 7000 euros máis de axudas que os colexios públicos

0

A Estrada, 16 de abril do 2017 – O BNG da Estrada ven de denunciar nun comunicado o reparto de axudas dos orzamentos por destinar 10.000 euros a procesións e tan só 3.000 a escolas públicas.

BNG Estrada denuncia axudas procesions imaxe aestradanarede

Procesión 2016, imaxe aestradanarede.es

Para o BNG da Estrada a listaxe de subvencións nominalistas integradas dentro do proxecto de orzamentos de 2017 que preparou o grupo de goberno da Estrada están feitas de xeito arbitrario, sen rigor e co único criterio de beneficiar a determinados colectivos vinculados ao PP.

Para o BNG da Estrada esta arbitrariedade é a única explicación para que o PP outorgue 10.000 euros do erario público á Confraría da Santa Cruz, é dicir, á igrexa católica, que organiza unha evento ao longo de todo o ano, cuxo retorno social e económico é nulo. Os nacionalistas explican que en contraste con este dispendio os colexios e institutos públicos do concello só reciben 3.352 € de subvención, importe total que se reparten entre os seis colexios e tres institutos en cantidades que oscilan entre os 168 € do CEIP Cabada Vázquez de Codeseda até os 1.200 € do IES Nº 1.

O BNG destaca tamén o importe da subvención que reciben entidades que traballan en sectores económicos en crise, como poden ser o sector primario (COASTRA, Gandeiros Estradenses e Monte Cabalar) ou ACOE, en comparación co que recibe a citada cofradía relixiosa. Neste caso a diferenza é positiva para as entidades socio-económicas, pero para os nacionalistas a diferenza é tan escasa (14.000 € no caso das cooperativas agrarias, 15.000 € no caso de ACOE), que demostra as prioridades do goberno municipal do PP, que non pasan, segundo os nacionalistas por primar os sector agro-gandeiro e a educación pública.

O turismo é outra das actividades que tamén se verá prexudicada no reparto de subvencións. Así, Mar de Compostela, a asociación que aglutina a todas as casas de turismo rural do concello, só recibirá un total de 3.000 € para as súas actividades de promoción.

Máis cartos para procesións que para axuda social

O BNG destaca tamén a diferenza que existe entre a citada entidade que organiza as procesións de semana santa coas que reciben outras entidades como poden ser a Cruz Vermella (1.000 €) ou outras vinculadas á igrexa católica como é Cáritas, que recibirá un total de 4.500 €, fronte aos 10.000 € para a Cofradía da Santa Cruz. 
Desde o BNG da Estrada manifestan que a axuda social ás persoas máis necesitadas ten que partir das entidades públicas, sexan estas os concellos ou a Xunta de Galiza, pero é un feito que Cáritas atende as necesidades dun número moi importante de persoas en situación de risco social e económico, e por iso que non entenden que se dean máis cartos para procesións que para as entidades que traballan os 365 días do ano, e cuxo retorno social é incuestionábel.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies