O BNG ve irregularidades na selección de alumnado para un obradoiro de emprego  

0

Ordes, 22 de novembro do 2017 – O BNG de Ordes detecta irregularidades no proceso de selección do alumnado traballador/-a do obradoiro de emprego “Ordes-Frades II”.

Pablo Vidal, portavoz do BNG de Ordes, sinala que “varias persoas foron notificadas de que foran preseleccionadas o mesmo día no que remataba o prazo para a presentación da documentación puntuable segundo as bases”.

Vidal expón que “esta situación vulnera totalmente a igualdade de oportunidades que debe existir en calquera proceso de selección, posto que existe xente que non recibiu a puntuación que merecía ao non poder presentar a citada documentación en prazo”.

Os nacionalistas veñen de rexistrar un rogo para o pleno que se celebrará este venres, onde instan ao alcalde a que emprace ao grupo de traballo mixto do obradoiro de emprego a “repetir o proceso ou cando menos, abrir un prazo para que estas persoas afectadas podan presentar a correspondente documentación e ser puntuadas como realmente merecen, garantindo a igualdade de oportunidades”.

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies