Compostela, 14 de novembro do 2018 – Bos tempos para o Santiago rugby que, tras gañar na fin de semana, ven de recibir da selección senior a convocatoria de dúas das súas xogadoras.
Vitoria e punto extra
O Santiago Rugby Club impúxose ante o Barbanza nun partido duro. O resultado de 19 a 30 engade ademais un punto extra ofensivo aos de Compostela. O adestrador destacaba o traballo en equipo que os leva a continuar mellorando a falta dun encontro para rematar a primeira volta. O seguinte encontro ante o Muralla de Lugo que leva unha liña similar de melloría e que ven de incorporar novos xogadores polo que se presume un partido difícil.
O equipo femenino nutre a selección
Na semana de descanso o equipo feminino do SRC, mentres prepara o seguinte partido contra o Ourense, recibe a noticia de que Teresa Galvez Estevez y Antía Piñeiro Devesa están convocadas pola selección sénior feminina de Rugby XV que se celebrará o próximo sábado en Acea da Má.
O Club expresa o seu orgullo xa que o traballo realizado desde a tempada pasada fai que a presenza de xogadores compostelás na seleccións non sexa xa unha novidade.