VI Festival Monecadas de Brión

0

Brión, 20 de setembro do 2019 –  O VI Festival Monecadas, posto en marcha por Titeriteiros da Comarca e o Concello de Brión, volve un ano máis á Carballeira de Santa Minia ata o domingo.

Monecadas terá catro funcións e un obradoiro de monicreques que terán lugar hoxe venres, mañá sábado e o domingo na carballeira de Santa Minia. En caso de choiva, as actuacións trasladaríanse á sala municipal de exposicións. En ambos casos, a entrada será libre e de balde.

Brión MOnecadasEste ano, o festival contará con grupos de Galicia, Portugal, Italia e Francia, buscando ofrecerlles novas propostas culturais aos centos de nenos/as e maiores que participan nas actuacións. De feito, cada actuación adoita superar amplamente as cen persoas, chegándose a superar as duascentas en ocasións especiais coma o domingo, cando coincida coa Feira Labrega.

A programación comeza esta tarde, ás 19:30 horas, co “Circo de marionetas” da compañía portuguesa Marionetas da Feira, no que o público verá como simples obxectos cotiás rematan convertidos nun circo. Para mañá, sábado 21 de setembro, está programada unha sesión dobre. Ás 13:00 horas “El barrendero”, de Mad Compass Theatre. E ás 13:45 horas “Limpiabotas”, de Nino & Mambrú, unha divertida actuación de 30 minutos, coa técnica de media máscara, sobre distintas técnica de limpeza do calzado.

Brión MOnecadasFinalmente, e coincidindo coa II Feira Labrega de Brión, o domingo 22 de setembro terá lugar ás 12:00 horas un obradoiro de monicreques da man de A Xanela do Maxín. Ás 13:00 horas, Raquel Queizás pechará o VI Festival Monecadas de Brión con “Travesías”, un espectáculo de narración oral con obxectos e monicreques dirixido a nenos e nenas a partir de 30 anos.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial