Ames, 6 de xuño do 2019 – O concello de Ames acolle este domingo, en Bertamiráns, un curso de defensa persoal para mulleres que será impartido polo club Bujutsu Compostela.
O curso está organizado pola Concellaría de Deportes de Ames e a Asociación Bujutsu Compostela. Esta destinado a mulleres maiores de 16 anos. É unha actividade de balde excepto 5 euros en concepto de seguro deportivo, algo obrigatorio en este tipo de cursos. Impartirase no ximnasio do pavillón municipal de Bertamiráns este domingo en horario de 10.00 a 13.00 horas. Hai dispoñibles un total de 24 prazas e a inscrición pode realizarse mediante chamada telefónica ou whatshapp ao teléfono 665 841 036
O curso ofrecerá ás participantes un conxunto de técnicas moi sinxelas para tratar de defenderse ante unha ameaza ou agresión. Durante a primeira media hora, o monitor presentará unha serie de pautas destinadas a previr unha agresión e sinalará como debe ser a actuación da vítima no caso de que esta se produza. A continuación coñecerán de primeira man como enfrontarse e resolver diversos tipos de agresións, para o que porán en práctica unha serie de técnicas enfocadas na defensa persoal e na posterior fuxida. Deste xeito, o obxectivo será que as alumnas sexan quen de adoptar resolucións rápidas e contundentes ante unha situación de perigo.
