Os grandes festivais sempre foron inestables en Compostela. Xa sexa por estar vinculados aos xacobeos ou polas dificultades de financiar grandes citas o feito é que Santiago segue sen contar cun gran festival que se consolide cos anos. O Son do Camiño chega para encher ese oco, con vontade de quedarse e coa vista posta no 2021, ano do próximo xacobeo, como primeira meta.

A organización do Festival e cousa da unión formada polas empresas Old Navy Port Producciones, S.L. e Esmerarte Industrias Creativas, S. L. e conta ademais co apoio da Xunta de Galicia. Lindeiros.gal fala con Carlos Rodríguez codirector de Son do Camiño, unha persoa que transmite a tranquilidade que fai falta para xestionar 3 días de concertos, ademais de outros 6 en distintos puntos de Galicia, con máis de 30 artistas e unha afluencia prevista de 28.000 persoas en cada xornada. Comezamos por preguntar polo apoio institucional necesario para unha aposta tan forte

Rodríguez explica a necesidade de ter un festival de este tamaño non só en Santiago se non en Galicia, Viveiro acolle o Resurrection, centrado no hard rock, pero non existía unha cita con música actual

A primeira dificultade foi recuperar o Monte do Gozo que, ademais da falta de uso, nota o paso do tempo e presenta algunhas dificultades para a produción de este tipo de eventos

O Festival contará con dous escenarios distintos que permitirán que, mentres se fan os cambios de equipos entre artistas, a música non deixe de soar

Nunha época na que existen ducias de festivas en toda a península a organización de Son do Camiño optou por unha mestura de actualidade e artistas consolidados

Carlos Rodríguez recoñece que hai que saber xestionar o trato cos artistas pero  tamén di que hai moito de lenda no que se conta das súas manias

Rematamos a entrevista preguntándolle polos seus gustos, declárase fan de Novedades Carmiña pero creo que concertos como o de Jamiroquai ou Martin Garrix marcarán a diferenza

Compostela recupera un espazo para concertos e consigue un equipo disposto a consolidar unha cita que pon a cidade na escea internacional. O xoves volve a música a un lugar polo que pasaron artistas como Prince, Bruce Springsteen, Rolling Stones, Bob Dylan ou Gloria Gaynor que foi a última gran artista que pasou polas instalacións. O Son do Camiño será unha cita para lembrar que esperemos que abra a porta a outras ao longo do ano.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies