Comeza Cineuropa, 22 días no que o cine será o protagonista en Compostela

0

Compostela, 7 de novembro do 2018 –  Ás oito da tarde no Teatro Principal de Compostela comeza a cerimonia de apertura da 32ª edición de Cineuropa, #Cineuropa32,  dando o pistoletazo de saída a 22 días co mellor cine do último ano.

O acto inaugural de Cineuropa, que será conducido por Moncho Lemos, contará coa presenza do alcalde, Martiño Noriega, e da vicepresidenta da Deputación de Coruña, Goretti Sanmartín. Así mesmo, o director do festival, José Luís Losa, analizará a programación dispoñible durante este mes de novembro. La noche de 12 años, do montevideano Álvaro Brechner, é o filme elixido para inaugurar esta nova edición, e será presentado polo actor Alfonso Tort, un dos seus protagonistas. A nota musical será engadida pola cantante e compositora Queyi, que tamén está no festival para presentar o seu filme ‘Conversaciones alrededor de un piano que vino de Europa’.

La noche de 12 años

O filme de Álvaro Brechner céntrase no tormento padecido por tres Tupamaros que permaneceron illados durante 12 anos durante a ditadura militar uruguaia. Un deses presos foi Pepe Mujica, quen máis tarde se convertería en presidente de Uruguai. Segundo a programadora de Cineuropa Alejandra Trelles “máis preto do ámbito intimista, da supervivencia da conciencia do home combativo, que da épica do cinema ambientado en prisións, as emocións da obra de Brechner nacen dunha raíz moito máis fonda, a do gran cinema sobre espíritos indómitos. A súa achega a esta estirpe, e tamén a unha reconstrución nobre, preñada de honestidade, da memoria histórica de Uruguai,  respírase como un proceso liberador e tamén de expiación. Un cinema que se planta sobre unha realidade de titáns feramente humanos”.

O festival

#Cineuropa32, traerá ao novembro compostelán vinte e dous días de cine repartido en oito salas da cidade (Teatro Principal, Salón Teatro, Cinema Numax, Multicines Compostela, Sede Afundación, Auditorio de Galicia, a Sala Agustín Magán do Centro Cívico Santa Marta e o Museo das Peregrinacións), nas que se proxectarán ao redor de 300 películas. A programación completarase con homenaxes, concertos, encontros con cineastas, mesas debate, proxeccións musicalizadas e a festa do cine, é dicir, o maratón. O programa completo está dispoñible no sitio web cineuropa.gal.

Alfonso Tort

É posible seguir o día a día de Cineuropa a través dos seus perfís en redes sociais

Twitter (@cineuropa_gal),        Facebook (/cineuropa.gal)               Instagram (cineuropa.gal).

Ademais, Cineuropa32 conta cunha canle de Telegram dende a as persoas subscritas poderán recibir información sobre as actividades e a actualidade do festival.

En Lindeiros podes repasar ademais as novas que levamos publicadas sobre o festival e hoxe ofrecemos tamén unha entrevista co director Chicho Losa.

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial