Compostela, 13 de marzo do 2019 – A banda Club del río presenta o seu novo disco, ‘Sustancia’, este xoves nas Crechas. A cita as nove da noite e con prezos de 8 e 10 euros.
Club del Río é unha banda inclasificable. A mestura de estilos é o habitual nos seus discos e se hai un denominador común nestas 13 novas cancións é que todas elas falan de superar dificultades, sobre vencer o veleno e levar a vida ao lugar que merece. Nel colaboran Faneka, Manuel Machado e Öve Larsson, Tomasito, Víctor Iniesta, Harry Haynes e Leopoldo Urrutia “El Cigüeña”, considerado o oitavo do Club.
Este disco é unha evolución natural e madura dos seus dos primeiros traballos.“Monzón” (2014, El Volcán Música), que fai xustiza ao nome: voces chamánicas, con ritmos naturais e percusións que caen como unha gran fervenza de sentimentos frescos. A este seguiulle ‘Un Sol Dentro’ (2016, El Volcán Música), cun son máis sólido (adherindo o uso de batería ao álbum), máis atrevido, abrindo novos camiños e novas vedas até agora non propostas ao público.
Club do Río son Esteban de Bergia, Álvaro Ayuso, Juan Serra, Juan Feo, Adriano Pezzi, Jacobo de la Viña e Álvaro Baños, sete amigos da infancia que comparten paixón pola música e a vida manexando unha boa variedade de instrumentos e alzando unha voz poderosa de expresión incontrolable.