Compostela, 29 de setembro do 2018 – A inauguración de Curtocircuito tera lugar a partir das 9 da noite nun acto no que Martin Messier creará sons empregando campos electromagnéticos no espectáculo FIELD e Pr.mvla dj set mesturará elementos da música tradicional galega e ferramentas da música electrónica exprimental.
Curtocircuito durará ata o próximo 7 de outubro. O festival aglutinará un total de 158 películas continuando coa súa procura de novas formas e linguaxes cinematográficas ao tempo que a programación inclúe seccións que xuntan o espírito vangardista co festivo e reforzan o vínculo do festival coa cidade.
A xornada comezará ás 10h00 con Narrativa e Linguaxe Cinematográfica, un obradoiro de cinema para profesorado de Secundaria e Bacharelato impartido por Jorge Canto en colaboración coa Escuela de Cinematografía y del Audiovisual de la Comunidad de Madrid (ECAM). Xa pola tarde, ás 18h30 proxectarase o filme PARADIES: Liebe, de Ulrich Seidl, cineasta ao que se lle dedicará unha retrospectiva e a continuación, a partir das 21h00, a Sala Capitol acollerá o espectáculo FIELD, de Martin Messier, no que o artista lle achegará ao público unha proposta na que interactúa con dous paneis de conectores facendo xurdir composicións de luz e son. Para rematar, Pr.mvla dj set, integrará elementos da música tradicional galega e ferramentas da música electrónica experimental.
Curtocircuíto é unha iniciativa do Concello de Santiago de Compostela, co apoio da Deputación da Coruña e da AGADIC. Tamén conta coa colaboración de Obra Social Abanca, a Santiago de Compostela Film Commission, a Área de Cultura da USC, o Instituto Camões , o Centro Galego das Artes da Imaxe (CGAI), a Academia Galega do Audiovisual (AGA), a Asociación Galega de Profesionais da Dirección e Realización (CREA), a Asociación Sindical Galega de Guionistas (AGAG), a Asociación de Actores e Actrices de Galicia (AAAG), o Cluster Audiovisual Galego (CLAG), a Asociación Galega de Produtoras Independentes (AGAPI), a Escuela de Cinematografía y del Audiovisual de la Comunidad de Madrid (ECAM), Radio Televisión Española (RTVE), CAMIRA, Gadis, Cafés Candelas, Martín Códax, Bodegas Lodeiros, Hyupersa Santiago, Cabreiroá, RC Service e La Melona.
