Compostela, 12 de agosto do 2018 – Nova etapa para o Santiago Futsal coa vista posta na volta a primeira división, un ascenso que comeza desde a preparación cunha boa pretempada coa que chegar en estado óptimo a competición oficial.
O Santiago Futsal xogará na pretempada 5 amigables alternando os encontros con dobres sesións de traballo. Os cinco encontros amigables disputaranse en terreo galego; o primeiro deles o vindeiro venres día 17 en Melide ante Prone Lugo FS. Unha semana despois, o sábado día 25, desprazaranse a San Sadurniño para medirse ao Cidade de Narón. O Santiago Futsal repetirá como participante do prestixioso torneo de verán Burela Bonita os días 30 de Agosto e 1 de Setembro. Para pechar o calendario de amigables visitará a domicilio a un rival de Primeira División como é Parrulo Ferrol FS o sábado día 8 de Setembro.
Grandes oportunidades para o conxunto santiagués, que adestra Santi Valladares, de probar a súa maquinaria antes de iniciar o campionato o próximo domingo 16 de Setembro ante Bisontes Castelló FS no Municipal de Santa Isabel.