Santiago ofrece 4.000 novas prazas de formación online

0

Compostela, 20 de maio do 2020 – O concello de Santiago presentou a nova oferta de formación online deseñada polo departamento de Emprego a través do programa Talentia Summit’20.

Son un total de 4.000 novas prazas de formación. Hai un mes abríronse outra 1.500 que xa están cubertas na súa maioría.

Santiago ofrece 4.000 novas prazas de formación onlineFormación desde o móbil

Unha das novidades da convocatoria é o mobile learning, cursos optimizados para ser realizados desde o móbil e que cunha oferta de 3.200 prazas. Con esta convocatoria búscase chegar ampliar a base de usuarios.

Outra das novidades será a formación sobre o Covid19. Estes coñecementos serán dos máis demandados nos próximos meses en sectores como a hostalería ou o comercio polo que poden ser un engadido de valor nos currículums.

O prazo de presentación de solicitudes está xa aberto e rematará cando se esgoten as prazas.

Oferta

As distintas accións formativas divídense en tres grandes bloques de especialización e aprendizaxe: “Idiomas, comunicarse nunha cidade cosmopolita”, “Habilidades e actitudes. Medrar e liderar o cambio dixital e persoal” e “Competencias profesionais, é momento de reinventarse”.

Idiomas

Tras o éxito da primeira convocatoria e tras a demanda reiterada por parte do alumnado a través das redes sociais e páxinas web, ofrécense novos cursos de idiomas, centrados en inglés, con múltiples módulos específicos de inglés no ámbito profesional; ampliando tamén a oferta a outras linguas como portugués, alemán, francés, italiano ou ruso. Hai un total de 427 prazas dispoñibles neste bloque.

Cambio dixital

Neste bloque de 13 cursos poténciase o impulso da transformación social e dixital destinado a empresas e profesionais independentes en seccións como cultura dixital, diversidade e inclusión, fundamentos de negocio e benestar emocional. Trátase de cursos optimizados para mobile learning, compatibles con todos os dispositivos que contarán con 3.200 prazas dispoñibles.

Competencias profesionais e Covid19

Neste bloque, as persoas usuarias dispoñen dun total de 315 prazas en 20 categorías de alta demanda no mercado laboral actual, como son informática, programación, sanidade, enerxía, saúde e nutrición ou o turismo. Destaca un curso de prevención de riscos laborais relacionado coa COVID-19. Inicialmente ofreceranse 100 prazas neste curso, ampliables a 250 se a demanda o requirira.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial