Compostela, 24 de setembro do 2019 – Compostela Aberta levará a pleno unha moción na que solicita que se manteñan as Residencias Artísticas na Sala Agustín Magan.
A Agustín Magan viu acollendo desde o 2016 a distintas compañías que prepararon en ese espazo 37 espectáculos de todo tipo. Compostela Aberta reclama ademais que ese modelo de colaboración esténdase ao centro cívico do Romaño.
A concelleira Branca Novoneyra foi a encargada de explicar a moción que Compostela Aberta defenderá no pleno de este xoves en Santiago. A concelleira reclama que “os próximos orzamentos municipais contemplen a dotación técnica básica suficiente tanto para a Sala
Agustín Magán como para o auditorio do Centro Cívico do Romaño”. Deste xeito, incidiu a concelleira, “facilitase a extensión aos barrios de manifestacións culturais que antigamente sucedían exclusivamente nos contedores culturais centrais de Compostela”.
Por último, na proposición que se debaterá no Pleno do xoves, Compostela Aberta pide a convocatoria dunha bolsa de investigación para iniciar un arquivo das artes escénicas de Santiago na biblioteca do
Centro Cívico do Romaño, con especial atención á memoria das publicacións físicas e dixitais das compañías históricas de Santiago e documentación, textual, visual e audiovisual, das propias residencias municipais activas desde o seu inicio en 2016.
