Compostela, 28 de abril do 2020 – O alcalde de Santiago, Xosé Sánchez Bugallo, confía en non perder os fondos europeos destinados á remodelación da depuradora da cidade.
Bugallo explicou onte que Acuaes remitiu ao concello unha proposta de convenio para financiar a nova depuradora que é inaceptable para o goberno municipal. A proposta foi debatida cos resto dos grupos nunha xunta de voceiros tamén no día de onte.
A proposta de Acuaes, explicou o alcalde, “é que eles financiarían o 50% do investimento, e que a parte que non se financiara con fondos europeos tería que ser repercutida na tarifa. E Xunta e Concello debería financiar o 50% restante”. O rexedor dixo tamén que se trata dunha proposta non debatida previamente co concello polo que espera reconducir a negociación.
Bugallo considera que os fondos europeos non teñen porque estar perdidos e que, en calquera caso, si se perderan o goberno central tería que asumir os custos xa que se trata dunha obra de utilidade pública
