Compostela, 13 de xaneiro do 2020 – O Ballet de de San Petesburgo presenta o próximo día 22 no Auditorio Abanca de Compostela a súa versión do Quebranoces de Tchaikovsky.
O Ballet de San Petersburgo de Andrey Batalov trae unha peza clásica do Nadal na que a maxia fai que os soños de Masha se cumpran e que os xoguetes cobren vida. O Quebranoces convértese nun príncipe e xuntos, tras enfrontárense aos malvados ratos, viaxan polas terras nevadas ao Palacio Máxico
As entradas están xa a venda na web de Ataquilla e a cita comezará as oito e media da tarde.
Andrey Batalov
O director artístico do Ballet de San Petesburgo, Andrey Batalov, é un dos máis condecorados bailaríns rusos: no 1996 gañou concursos en París e Nagoya, en Budapest (Primeiro Premio e Premio Especial Nuriev) e en Arabesk-Perm (Primeiro Premio e Premio Mikhail Baryshnikov) e foi Grand Prix na Competición Internacional de Ballet en Moscova (1997). Terminou a súa formación en 1992 na Academia de Ballet de San Petesburgo Vaganova. Entre 1992 e 1994 foi solista do Ballet do Teatro Mikhailovskiy de San Petesburgo e desde 1994 ata a actualidade é solista principal do Ballet Mariinsky. Tamén foi solista do Real Ballet Danés (2000-2002).