A Cámara de Comercio asesora de balde sobre as liñas de financiamento

0

Compostela, 20 de abril do 2020 – O Concello de Santiago e a Cámara de Comercio porán a disposición do empresariado un servizo de balde de información, asesoramento e intermediación para autónomos e empresas que necesiten acollerse a liñas de financiamento ou avais.

Estas liñas de financiamento ( ICO, IGAPE, SGRs, CDTI etc) son as publicadas para facer fronte ao impacto económico derivado do estado de alarma decretado polo Goberno Central para frear a expansión do Coronavirus Covid-19.

A través deste servizo ofrecerase de xeito coordinado información e recursos para o acceso das empresas de Compostela ás liñas de financiamento ICO, ás xestionadas pola rede cameral, e a outras fontes de crédito mobilizadas dende o Goberno e as propias entidades financeiras para o mesmo fin. Este asesoramento enmárcase no convenio asinado entre ámbalas dúas entidades, que agora se vai ampliar. Aos 50.000 euros contemplados no actual convenio coa Cámara, o Concello de Santiago suma outros 50.000 adicionais, no marco das medidas económicas contempladas polo goberno local para axudar ás empresas compostelás a saír da crise provocada polo COVID-19.

Trátase dun servizo de asesoramento persoalizado para que cada autónomo ou empresa poida acceder á liña de financiamento máis conveniente segundo as características do seu proxecto.

Por outra banda a Cámara de Comercio de Santiago está a pechar coas distintas entidades financeiras negociacións primordiais neste momento como son a non discriminación a autónomos polo seu CIRBE ou polo nivel de cliente coa entidade, así como garantir a non esixencia de condicións NON obrigatorias no convenio ICO: Unhas negociacións que tamén pasan por dar unha resposta áxil en prazos a todas aquelas empresas e autónomos que veñan da man da Cámara de Comercio de Santiago; como que se teña unha “chiscadela” nos diferenciais e que o tipo de interese a aplicar sempre sexa o máis axustado.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial